“Paxtakor” bugun Osiyo chempionlar ligasi guruh bosqichi 6-turidan Jiddada “Al Ahli” mehmoni bo‘ladi. Uchrashuv oldidan tashkil etilgan matbuot anjumanida “sherlar” ustozi Shota Arveladze hamda jamoa sardori Yegor Krimes ishtirok etishdi.
Arveladze: - Bu guruh bosqichidagi oxirgi o‘yin va jamoalar nima qilishni yaxshi bilishadi. Natija juda muhim, o‘yinda zarur natijaga erishgan jamoa o‘zini yakunda baxtli his qiladi. Biz yurishimizni davom ettirishga urinamiz.
Biz ba’zi o‘zgarishlarni amalga oshiramiz. Bunday namlik bosimi yuqori holatda ushbu yil birinchi marta o‘ynaymiz. Unda o‘zimizga asqotadigan o‘zgarishlarga qo‘l urib, o‘zimiz uchun ijobiy ko‘rsatkich qayd etishga harakat qilamiz.
Krimes: - Biz juda muhim uchrashuvda maydonga tushamiz. O‘zimizning nimalarga qodir ekanimizni ko‘rsatishga urinamiz. Chempionlar Ligasida yaxshi o‘yinlar namoyish qildik, endi nimchorak finalga yo‘llanma olishni istaymiz.
