“Пахтакор” бугун Осиё чемпионлар лигаси гуруҳ босқичи 6-туридан Жиддада “Ал Аҳли” меҳмони бўлади. Учрашув олдидан ташкил этилган матбуот анжуманида “шерлар” устози Шота Арвеладзе ҳамда жамоа сардори Егорь Кримец иштирок этишди.

Арвеладзе: - Бу гуруҳ босқичидаги охирги ўйин ва жамоалар нима қилишни яхши билишади. Натижа жуда муҳим, ўйинда зарур натижага эришган жамоа ўзини якунда бахтли ҳис қилади. Биз юришимизни давом эттиришга уринамиз.

Биз баъзи ўзгаришларни амалга оширамиз. Бундай намлик босими юқори ҳолатда ушбу йил биринчи марта ўйнаймиз. Унда ўзимизга асқотадиган ўзгаришларга қўл уриб, ўзимиз учун ижобий кўрсаткич қайд этишга ҳаракат қиламиз.

Кримец: - Биз жуда муҳим учрашувда майдонга тушамиз. Ўзимизнинг нималарга қодир эканимизни кўрсатишга уринамиз. Чемпионлар Лигасида яхши ўйинлар намойиш қилдик, энди нимчорак финалга йўлланма олишни истаймиз.