15-19 may Buxoro shahridagi 2-sonli bolalar-o‘smirlar maktabida stol tennisi bo‘yicha “O‘zbekistonda xizmat ko‘rsatgan murabbiy” G‘ulom Mo‘minov xotirasiga bag‘ishlab respublika turniri o‘tkazildi.

10 marta o‘tkazilayotgan an’anaviy xotira turnirida Toshkent shahri, Andijon, Jizzax, Farg‘ona, Navoiy, Toshkent, Qashqadaryo, Xorazm viloyatlaridan tashrif buyurgan va mezbon Buxoro viloyatidan jami – 196 nafar (78 nafari qizlar) yoshlar ishtirok etishdi. 

Bellashuvlar 2003-2004 yil, 2005-2006 yil, 2007-2008 yil, 2009 yil va undan kichik yoshdagi sportchilar o‘rtasida o‘tkazildi.

Yakunda jamg‘arilgan medallar soni bo‘yicha mezbonlar yetakchilik qilgan bo‘lsa, keyingi o‘rinlar Andijon va Navoiy viloyatidan tashrif buyurgan yoshlarga nasib etdi.