15-19 май Бухоро шаҳридаги 2-сонли болалар-ўсмирлар мактабида стол тенниси бўйича “Ўзбекистонда хизмат кўрсатган мураббий” Ғулом Мўминов хотирасига бағишлаб республика турнири ўтказилди.

10 марта ўтказилаётган анъанавий хотира турнирида Тошкент шаҳри, Андижон, Жиззах, Фарғона, Навоий, Тошкент, Қашқадарё, Хоразм вилоятларидан ташриф буюрган ва мезбон Бухоро вилоятидан жами – 196 нафар (78 нафари қизлар) ёшлар иштирок этишди. 

Беллашувлар 2003-2004 йил, 2005-2006 йил, 2007-2008 йил, 2009 йил ва ундан кичик ёшдаги спортчилар ўртасида ўтказилди.

Якунда жамғарилган медаллар сони бўйича мезбонлар етакчилик қилган бўлса, кейинги ўринлар Андижон ва Навоий вилоятидан ташриф буюрган ёшларга насиб этди.