Kecha 24 may kuni Qashqadaryo viloyati Chiroqchi tumanidagi 1-sonli bolalar-o‘smirlar sport maktabida belbog‘li kurash bo‘yicha erkaklar va ayollar o‘rtasidagi O‘zbekiston chempionati start oldi.
O‘zbekiston Respublikasi Jismoniy tarbiya va sport vazirligi hamda O‘zbekiston belbog‘li kurash federasiyasi taqvim-rejasiga asosan o‘tkazilayotgan mazkur musobaqada Qoraqalpog‘iston Respublikasi, Toshkent shahri va barcha viloyatlardan tashrif buyurgan 300 nafardan ortiq polvonlar ishtirok etishmoqda.
Reglamentga ko‘ra, erkaklar belbog‘li kurashning klassik va erkin yo‘nalishida o‘n bir vazn toifasida, ayollar esa, belbog‘li kurashning erkin yo‘nalishida yettita vazn toifasida kurash tushishmoqda.
