Кеча 24 май куни Қашқадарё вилояти Чироқчи туманидаги 1-сонли болалар-ўсмирлар спорт мактабида белбоғли кураш бўйича эркаклар ва аёллар ўртасидаги Ўзбекистон чемпионати старт олди.
Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерацияси тақвим-режасига асосан ўтказилаётган мазкур мусобақада Қорақалпоғистон Республикаси, Тошкент шаҳри ва барча вилоятлардан ташриф буюрган 300 нафардан ортиқ полвонлар иштирок этишмоқда.
Регламентга кўра, эркаклар белбоғли курашнинг классик ва эркин йўналишида ўн бир вазн тоифасида, аёллар эса, белбоғли курашнинг эркин йўналишида еттита вазн тоифасида кураш тушишмоқда.
