O‘zbekiston Professional futbol ligasi so‘nggi vaqtlarda klublarning o‘z sobiq futbolchi hamda murabbiylari oldida qarz majburiyati bo‘lmasligi masalasiga juda jiddiy e’tibor qaratib kelmoqda.
O‘tgan vaqt mobaynida bir qator futbolchi hamda murabbiylar O‘zbekiston Professional futbol ligasiga o‘zlari ilgari faoliyat olib borgan klublar ularga maosh yoki mukofot puli bo‘yicha qarzga egaligi bo‘yicha murojaat etdi. O‘zPFL bu kabi muammolarni hal etish masalasini jiddiy nazorat eta boshladi. Natijada mavsum boshidan buyon qator klublar o‘z sobiq futbolchisi va murabbiylari hisob raqamlariga to‘lanishi lozim bo‘lgan summalarni o‘tkazib bera boshlashdi.
Ayni paytga kelib O‘zPFLga Superliga klublarining maosh yoki mukofot puli bo‘yicha qarzdorlik masalasi yuzasidan kelib tushgan ariza egalarining barchasi bilan klublar hisob-kitobni amalga oshirdi va bu borada muammoga ega klub qolgani yo‘q.
