“Navbahor” – “Andijon” uchrashuvidan so‘ng mehmonlar ustozi Jamshid Saidov quyidagicha fikr bildirdi:
- “Vodiy derbisi”da ilk marta ishtirok etdim. Bugun shogirdlarim ko‘rsatgan o‘yin, ularning maydonda borlarini berib harakat qilganlaridan mamnun bo‘ldim. Afsus, o‘yin so‘nggida o‘z darvozamizdan gol o‘tkazib yubordik. Namanganlik ishqibozlarga ham rahmat. Bunday muxlislar qarshisida har qanday jamoa ham yanada yaxshiroq o‘ynashga intiladi. O‘yin bo‘yicha gapiradigan bo‘lsam, kichik xatolar bo‘ldi. Lekin ushbu xatolarni sekin-asta o‘yindan-o‘yinga to‘g‘rilab boramiz. Bugun bizni qo‘llab-quvvatlash uchun kelgan andijonlik ishqibozlarga ham tashakkur. Ular bizni ajoyib tarzda qo‘llab turishdi, -dedi mutaxassis.
