2019 yilgi mavsumdan boshlab O‘zPFL lisenziyalash talablariga javob beruvchi futbol klublari o‘rtasida O‘zbekiston Liga kubogi musobaqasini tashkil etadi.

Musobaqada Superliganing 14 ta, shuningdek, A Pro-liganing “Mash’al” hamda “Sho‘rtan” klublari ishtirok etadi.

Liga kubogining 16 jamoasi 4 ta guruhga ajratildi. Jamoalar guruh bosqichida 3 tadan uchrashuvda ishtirok etadi.

Dastlabki tur o‘yinlari 31 may va 1 iyun kunlari bo‘lib o‘tadi.

Tur doirasida “Metallurg” o‘z uyida “Bunyodkor” bilan bahs yuritadi. Uchrashuvda bekobodliklar ko‘k, toshkentliklar esa oq rangdagi sport formalarida maydonga chiqishadi. 

Ta’kidlash joiz, “Metallurg” — “Bunyodkor” uchrashuvi 31 may, juma kuni soat 19:00da bo‘lib o‘tadi.