2019 йилги мавсумдан бошлаб ЎзПФЛ лицензиялаш талабларига жавоб берувчи футбол клублари ўртасида Ўзбекистон Лига кубоги мусобақасини ташкил этади.

Мусобақада Суперлиганинг 14 та, шунингдек, А Про-лиганинг “Машъал” ҳамда “Шўртан” клублари иштирок этади.

Лига кубогининг 16 жамоаси 4 та гуруҳга ажратилди. Жамоалар гуруҳ босқичида 3 тадан учрашувда иштирок этади.

Дастлабки тур ўйинлари 31 май ва 1 июнь кунлари бўлиб ўтади.

Тур доирасида “Металлург” ўз уйида “Бунёдкор” билан баҳс юритади. Учрашувда бекободликлар кўк, тошкентликлар эса оқ рангдаги спорт формаларида майдонга чиқишади. 

Таъкидлаш жоиз, “Металлург” — “Бунёдкор” учрашуви 31 май, жума куни соат 19:00да бўлиб ўтади.