«Navbahor»ning ishonchli himoyachilaridan sanalgan chortoqlik G‘iyos Komilovni negadir Andrey Kanchelskis deyarli maydonga tushirmayapti. Ko‘pchilikka qiziq bo‘lgan savol bilan futbolchiga yuzlandik.
- To‘g‘ri, asosiy tarkibda maydonga tushmayapman. Balki, Andrey Kanchelskis ro‘za tutayotganligim uchun maydonga tushirmayotgandir. Maydonga tushadigan kunlarim hali keladi, Xudo xohlasa.
Albatta, o‘yin amaliyoti kerak. O‘ynamayotganligim uchun «Navbahor»dan ketishni o‘ylayotganim yo‘q. Hamma ham o‘z shahri jamoasida to‘p surishni istaydi. Shu qatori men ham.
«Navbahor» so‘nggi o‘z maydonidagi uchrashuvlarda ochko yo‘qotdi. Futbolda omad kelmasa ham qiyin. Jamoada hammasi a’lo darajada. G‘alabali o‘yinlarimiz ko‘p. Men bunga ishonaman, - deydi G‘iyos Komilov.
