«Навбаҳор»нинг ишончли ҳимоячиларидан саналган чортоқлик Ғиёс Комиловни негадир Андрей Канчельскис деярли майдонга туширмаяпти. Кўпчиликка қизиқ бўлган савол билан футболчига юзландик.
- Тўғри, асосий таркибда майдонга тушмаяпман. Балки, Андрей Канчельскис рўза тутаётганлигим учун майдонга туширмаётгандир. Майдонга тушадиган кунларим ҳали келади, Худо хоҳласа.
Албатта, ўйин амалиёти керак. Ўйнамаётганлигим учун «Навбаҳор»дан кетишни ўйлаётганим йўқ. Ҳамма ҳам ўз шаҳри жамоасида тўп суришни истайди. Шу қатори мен ҳам.
«Навбаҳор» сўнгги ўз майдонидаги учрашувларда очко йўқотди. Футболда омад келмаса ҳам қийин. Жамоада ҳаммаси аъло даражада. Ғалабали ўйинларимиз кўп. Мен бунга ишонаман, - дейди Ғиёс Комилов.
