3-iyun sanasida «Qirollik klubi» yangi transferni e’lon qilishi kutilmoqda. «Real Madrid»ning ilk haridi kecha Yevropa Ligasi sovriniga ega chiqqan Eden Azar bo‘ladi, deb yozmoqda «Marca» nashri. Azar kecha jamoadoshlari va muxlislar bilan xayrlashdi va yangi marralarni zabt etish maqsadida Madridga yo‘l oldi. Yuqorida aytilganidek, «Marca» nashrining yozishicha, futbolchi yangi jamoasida 7-raqamni oladi. Bu raqamda Mariano Diaz tomonidan band qilingan bo‘lib, avvalroq Ronalduga tegishli edi. Eden Azar Ronalduning sevimli raqamini band qilganidan xabar topgan Ronaldu o‘zining «iliq» fikrlari bilan o‘rtoqlashdi.

Ronaldu:

Eden juda iqtidorli futbolchi. U o‘sishi uchun kuchli klubga o‘tishi shart edi va bu amalga oshdi. Shu o‘rinda «Real Madrid»ga o‘tish katta mas’uliyat kasb etadi. Bu bosimga hamma ham dosh bera olmaydi.  Edenning 7-raqamni olishi hech narsani anglatmaydi. Rahbariyat bu raqamga ortiqcha urg‘u berishni istamaydi. Ular uchun tarixning zarracha qizig‘I yo‘q va ular bunday qadriyatlarga tupurushgan! «Real Madrid» rahbarlari doimo shunday yo‘l tutib kelishgan! Men 7-raqamning egasi paydo bo‘lganidan hafa emasman. Sababi, men uchun qadrli bo‘lgan raqamni ketishim bilanoq boshqa futbolchiga berib yuborishgan edi. «Real Madrid»ning ana shunaqa ajoyib udumlari bor!

Ko‘pchilik 7-raqamning salobati haqida gapirmoqda, biroq shuni aniq aytamanki Azarda bu bilan hech qanday muammo bo‘lmasligi aniq!. 7-raqam bundan 2 yil avval o‘z qudratiga edi hozir esa, u shunchaki oddiy belgiga aylanib qolgan. Bu raqamni faqat klubning sodiq muxlislarigina qadriga yetishi mumkin. Shunday ekan, Eden Azar 7-raqamni olishdan sira cho‘chimasin, sababi,  endi uning qiymati avvalgi darajada emas.