Ayni kunlarda Polshada 20 yoshgacha bo‘lgan futbolchilar o‘rtasida Jahon chempionati bo‘lib o‘tayotganidan xabaringiz bor.
Mazkur musobaqalarda hamyurtimiz FIFA va OFK instruktori Farhod Abdullayev ham ish olib borayotganini ma’lum qilib o‘tgandik. Farhod Abdullayev bugun "E" guruhidan o‘rin olgan Mali hamda Fransiya terma jamoalari o‘rtasidagi o‘yinda hakam nazoratchisi sifatida ish olib boradi. O‘yin Toshkent vaqti bilan soat 21:00da boshlanadi.
Mazkur juftlik o‘rtasidagi uchrashuv guruh g‘olibini aniqlab berishini ham ta’kidlash zarur.
U-20 JCH, "E" guruhi
Mali - Fransiya
Bosh hakam: Said Martines (Gonduras)
Yon hakamlar: Uolter Lopes, Xelpis Felis (Gonduras)
To‘rtinchi hakam: Fernando Guerrero (Meksika)
Hakam nazoratchisi: Farhod Abdullayev (O‘zbekiston)