O‘zbekiston Liga Kubogining 1-turidan o‘rin olgan “Nasaf” – “Navbahor” uchrashuvidan so‘ng mezbonlar ustozi Ro‘ziqul Berdiyev quyidagicha fikr bildirib o‘tdi:

"Yangi musobaqani g‘alaba bilan boshlash – juda ham yoqimli. Bugungi o‘yinimiz mazmunli chiqdi, deb o‘ylayman. Kiritgan 2 ta tezkor golimiz yakunda o‘yin taqdirini hal qildi. Qolaversa, raqib o‘yinchilarining asablari dosh bermay 2 ta qizil olgani ham bizning ishimizni yengillashtirdi. Bugun yosh o‘yinchilarga imkon berdik va ular ishonchni oqlashdi.

Har bir musobaqada biz iloji boricha maksimal kuchimizni ishga solishga va har bitta uchrashuvda g‘alaba qozonishga harakat qilamiz. Liga kubogi musobaqasi tashkil etilgani ham ijobiy holat. Bu o‘yinchilarda yanada ko‘proq o‘yin amaliyoti bo‘lishini ta’minlaydi. Ishonaman, ushbu musobaqa nufuzi ham hali yanada ortadi", — dedi mutaxassis.