«Barselona» matbuot xizmati jamoa 2019/20 yilgi mavsumda foydalanadigan yangi dizayndagi formasini taqdim etdi.

Nike tomonidan ishlab chiqarilgan bu futbolkalar an’anaviy ko‘k-anorrangda bo‘lib, bu safar ular shaxmat shaklida joylashtirilgan. Shuningdek, futbolkaning bo‘yin qismida Kataloniya bayrog‘i ranglari aks ettirilgan belgi bor. Ilk marta yangi formaning taqdimot marosimida klubning barcha — futbol bo‘yicha erkaklar va ayollar, basketbol va gandbol jamoalari ishtirok etishdi.

«Bu qandaydir yangilik va qiziqarli. Balki, bu dizayn avvalgilaridan farq qilishi mumkin, ammo u klubning ruhiyatini to‘la aks ettiradi. Bu forma jamoaning muxlislar bilan yakdil ekanini namoyish etadi», – dedi Jerar Pike taqdimot marosimida.