«Барселона» матбуот хизмати жамоа 2019/20 йилги мавсумда фойдаланадиган янги дизайндаги формасини тақдим этди.
Nike томонидан ишлаб чиқарилган бу футболкалар анъанавий кўк-аноррангда бўлиб, бу сафар улар шахмат шаклида жойлаштирилган. Шунингдек, футболканинг бўйин қисмида Каталония байроғи ранглари акс эттирилган белги бор. Илк марта янги форманинг тақдимот маросимида клубнинг барча — футбол бўйича эркаклар ва аёллар, баскетбол ва гандбол жамоалари иштирок этишди.
«Бу қандайдир янгилик ва қизиқарли. Балки, бу дизайн аввалгиларидан фарқ қилиши мумкин, аммо у клубнинг руҳиятини тўла акс эттиради. Бу форма жамоанинг мухлислар билан якдил эканини намойиш этади», – деди Жерар Пике тақдимот маросимида.
