«Barselona» mazkur yozgi transfer paytida birdaniga ikkita ulkan xaridni amalga oshirmoqchi. Kataloniyaliklar «Atletiko» forvardi Antuana Grizmann va «PSJ» hujumchisi Neymarni qo‘lga kiritishmoqchi.
Bu borada jamoaning asosiy muammosi moliya bilan bog‘liq. Grizmanning transferi "ko‘k-anorranglilar" uchun 120 million yevroga tushsa, jamoa Neymar uchun 100 million yevro va Koutinyoni qo‘shib berishi mumkin.
Bu futbolchilar bilan shartnoma imzolansa, «Barselona» bir qator futbolchilarni sotishlariga to‘g‘ri keladi. Ma’lumotlarga qaraganda, Neymar va Grizmann yillik maoshlarining hozirgi klubdagiga nisbatan kamayishiga rozilik berishgan.