25-26 iyun kunlari Chilonzor tumanidagi bolalar-o‘smirlar sport maktabida matbuot va ommaviy axborot vositalari xodimlari o‘rtasida mini-futbol (erkaklar) va stol tennisi (ayollar) bo‘yicha musobaqalar o‘tkaziladi.
Musobaqalar ommaviy axborot vositalari xodimlarini sportga jalb etish, ular bilan hamkorlik aloqalarini yanada mustahkamlash, sohani yoritishda jonbozlik ko‘rsatayotgan jurnalistlar mehnatini rag‘batlantirish hamda 27 iyun – Matbuot va ommaviy axborot vositalari xodimlari kunini yuqori saviyada nishonlash maqsadida Jismoniy tarbiya va sport vazirligi tomonidan tashkil etilmoqda.
Sport musobaqalarida ishtirok etish istagida bo‘lgan OAV ijodiy xodimlardan iborat jamoalar ro‘yxatini (xodim xizmat guvohnomasi nusxasi bilan birga) 2019 yil 24 iyun kuni soat 12:00ga qadar Jismoniy tarbiya va sport vazirligi Matbuot xizmatiga taqdim etishlari shart. (Bir qator OAVlariga taklif xatlari yuborilgan.)
Joriy yilning 24 iyun kuni soat 17:00 da Jismoniy tarbiya va sport vazirligida qur’a tashlash marosimi o‘tkazilishi rejalashtirilgan.
Ma’lumot uchun: o‘yinlar 25-26 iyun kunlari soat 7.00 dan boshlanadi.
Qo‘shimcha ma’lumot uchun telefonlar: 71-239-24-37, +99893-543-05-01
