Zayniddin Zidan boshchiligidagi «Real Madrid» 8 iyul sanasidan yangi mavsumga tayyorgarlikni boshlaydi. Ammo xalqaro musobaqa — Amerika kubogi va 21 yoshgacha bo‘lgan futbolchilar o‘rtasidagi Yevropa chempionati tufayli ayrim futbolchilar yig‘inga kechroq qo‘shilashadi.

Jamoaning yangi xaridlari — Luka Yovich, Ferlan Mendi va Eden Azar "Qirollik klubi" safidagi dastlabki mashg‘ulotda ishtirok etishga tayyorlar. Klub dastlabki xorij yig‘inini 9 iyul kuni Kanadaning Monreal shahrida boshlaydi.

10 kunlik o‘quv-mashg‘ulot yig‘inidan keyin jamoa AQSHga yo‘l oladi. "Qirollik klubi" u yerda Xalqaro chempionlar kubogi doirasida 3ta uchrashuv o‘tkazadi: «Bavariya», «Arsenal» va «Atletiko»ga qarshi.

Shuningdek, «Real Madrid» Myunxen shahrida o‘tkaziladigan Audi Cup musobaqasida ishtirok etadi. Jamoa yarim finalda «Tottenxem» bilan to‘qnash kelsa, oradan 1 kun o‘tib Zidan shogirdlarini final yoki 3-o‘rin uchun o‘yin kutib turibdi.

"Qaymoqranglilar" 1 avgust kuni Madridga qaytib, mavsumning boshlanishiga tayyorgarlikni davom ettirishadi. Yangi mavsumga qadar klub yana bitta o‘rtoqlik o‘yini o‘tkazishni rejalashtirgan.

Shuningdek, «Real Madrid» Myunxen shahrida o‘tkaziladigan Audi Cup musobaqasida ishtirok etadi. Jamoa yarim finalda «Tottenxem» bilan to‘qnash kelsa, oradan 1 kun o‘tib Zidan shogirdlarini final yoki 3-o‘rin uchun o‘yin kutib turibdi.

An’anaviy Santyago Bernabeu sovrini uchun o‘tkaziladigan o‘yin sanasiga hali oydinlik kiritilmadi. Boisi, stadionda ta’mirlash ishlari boshlab yuborilgan.

«Real»ning mavsumoldi o‘yinlari ro‘yxati:

12 iyul — Monrealda o‘quv-mashg‘ulot yig‘ini;
21 iyul — «Bavariya»ga qarshi o‘yin (Xyuston);
24 iyul — «Arsenal»ga qarshi o‘yin (Merilend);
27 iyul — «Atletiko»ga qarshi o‘yin (Nyu-Jersi);
30 iyul — «Tottenxem»ga qarshi o‘yin (Audio Cup, Myunxen);
31 iyul — final yoki 3-o‘rin uchun o‘yin (Audio Cup, Myunxen);