Janubiy Amerika futbol konfederasiyasi — KONMEBOL Argentina terma jamoasi hujumchisi Lionel Messini diskvalifikasiya qilishi mumkin.

Gap shundaki, "Barselona" sardori Amerika kubogi-2019 hakamlari va tashkilotchilarini bir necha marta tanqid ostiga oldi. Jumladan, Messi Braziliyaga qarshi bo‘lib o‘tgan yarim final o‘yinidagi hakamlikni tanqid qilgan bo‘lsa, Chiliga qarshi bo‘lib o‘tgan 3-o‘rin uchun o‘yinda Leo maydondan chetlatildi.

KONMEBOL futbolchini 2 yilga futboldan chetlatishi mumkin. Shunday bo‘lsa, Messi Amerika kubogi-2020 va JCH-2022nri o‘tkazib yuborishi mumkin. AS nashri tarqatgan xabarga ko‘ra, KONMEBOL reglamentiga muvofiq futbolchi tashkilot va uning vakillarini haqorat qilishi mumkin emas.

KONMEBOL Messining tanqidiga quyidagicha javob qaytardi:

«Mazkur ayblovlar musobaqa, undagi futbolchilar, KONMEBOLning yuzlab xodimlariga nisbatan hurmatsizlik hisoblanadi. Tashkilot esa 2016 yildan beri mintaqada futbolni rivojlantirish ustidan ish olib bormoqda».