Bugun "Paxtakor" futbol klubi va “Mahalla” xayriya jamoat fondi Toshkent shahar bo‘limi hamkorligida mahallalarda ko‘cha futboli kuni o‘tkazildi.

Toshkent shahridagi 11 mahalla - Bektemir tumani “Mirishkor”, Mirobod tumani “Istiqlolobod”, Mirzo Ulug‘bek tumani “Beshkapa”, Sergeli tumani “Nilufar”, Uchtepa tumani “Ko‘kcha Oqtepa”, Chilonzor tumani “Mexirjon”, Shayxontohur tumani “Labzak”, Yunusobod tumani “Billur”, Yakkasaroy tumani “Qushbegi” hamda Yashnobod tumani “Katta Yangiobod” mahallalarida istiqomat qilayotgan 6 yoshdan 12 yoshgacha bo‘lgan bolalar o‘rtasida ko‘cha futboli musobaqalari tashkil etildi.

Futbol musobaqalarini o‘tkazishdan maqsad Toshkent shahri mahallalarida istiqomat qilayotgan 6 yoshdan 12 yoshgachabo‘lgan bolalarni yozgi ta’til davrida vaqtlarini mazmunli o‘tishiga ko‘maklashish, iqtidorli bolalarni izlab topish, ularning sog‘lom va tetik inson bo‘lib o‘sishlarida ko‘maklashishdan iborat.

Musobaqalar “Paxtakor” futbol akademiyasi bilan kelishgan holda har haftada o‘tkazib borilishi rejalashtirilgan.