"Atletiko" Grizmanning transferi yuzasidan "Barselona"ni sudga bermoqchi.

Kataloniyaliklar avvalroq Grizmanning shartnomasi bekor qilingani uchun "Atletiko"ga 120 mln yevro to‘lagan edilar, ammo madridliklar yana 80 mln yevro undirmoqchilar.

"Atletiko"ning ta’kidlashicha, "Barselona" Grizmann bilan 1 iyulgacha, ya’ni uning tovon puli 200 mln dan 120 mln yevroga tshguniga qadar shartnoma imzolagan.

"Bugun Grizmanning advokati Primera shtab-kvartirasida paydo bo‘ldi va futbolchining "Atletiko" bilan shartnomasini bir taraflama bekor qildi. U "Barselona" nomidan 120 mln mablag‘ kiritdi.

Bu summa tovon puli hisobi uchun yetarli mas deb hisoblaymiz. "Barsa" va Antuan tovon puli 200dan 120 mln yevroga tushmasidan avval kelishib olishgan.

Bu narsa 14 may kuni futbolchi klubimizdan ketishini ’lon qilishidan avval sodir bo‘lgan. "Atletiko" o‘z huquqlari va qiziqishlarini himoya qilish uchun harakatlarni boshlagan", - deyiladi "matraschilar"ning rasmiy saytida.