"Genk" yarim himoyachisi Ruslan Malinovskiy "Atalanta" bilan shartnoma imzoladi, deya xabar beradi Italiya klubi rasmiy sayti.
Fubolchining agenti Vadim Shabliyaga ko‘ra, shartnoma besh yilga mo‘ljallangan.
"Atalanta"ning bosh murabbiyi Djan Pyero Gasperini Malinovskining transferini yuqori baholadi va Chempionlar Ligasi uchun foydali ekanligini ta’kidladi.
Futbolchining tranfer miqdori oshkor qilinmadi, ammo taxminan 13,7 mln yevroni tashkil etadi.
Ma’lumot o‘rnida, yangi mavsumda "Atalanta" Chempionlar Ligasi guruh bosqichida o‘ynaydi.
Shuningdek, "Atalanta" uy uchrashuvlarini "Milan"ning San-Siro stadionida o‘tkazadi.