"Totenxem"ning sobiq hujumchisi Fernando Lyorente "Fiorentina" qiziqishlari doirasiga tushdi, deya xabar beradi jurnalist Janluka Di Marsio.

Italiyaliklar bu yozda hujum chizig‘ini kuchaytirish niyatida va erkin agent maqomida bo‘lgan ispaniyalik hujumchi bilan shartnoma imzolashga harakat qiladi.

Avvalroq, italiya klubi vakillari 34 yoshli futbolchiga taklif bilan murojat qilishgan edi.

Eslatib o‘tamiz, o‘tgan mavsumda Lyorente "Totenxem" tarkibida 35 ta uchrashuvda maydonga tushib, 8 ta gol va 5 ta gollik uzatma amalga oshirgan.