Marca xabariga ko‘ra, Neymar va "PSJ" o‘rtasidagi transfer bahsi yangi bosqichga chiqdi.
Endi parijliklar Neymarni sotishga qarshi emaslar, ammo kimdir uning uchun munosib pul to‘lashi kerak. "Barselona" bu yil transferlar uchun ancha pul sarflab qo‘ydi va Neymarni sotib olishga qiynaladi. Biroq, kataloniyaliklar Usmon Dembeleni "Bavariya"ga hech bo‘lmasa 100 mln yevroga sota olsalar, moliyaviy feyr-pley qoidalaridan chetga chiqmagan bo‘lar edilar.
Aryen Robben va Frank Riberi kabi futbolchilarning ketishlaridan so‘ng "Bavariya" uchun qanotlarda hujumni kuchaytirish lozim. "Man Siti"da Leroy Saneni sotib olish - deyarli ilojsiz ish. Dembelega kelsak, fransiyalik futbolchi kataloniyaliklar safini tark etgisi yo‘q.
