Ayollar o‘rtasidagi O‘zbekiston chempionati ikkinchi bosqichiga qur’a tashlandi. Ushbu chempionat o‘yinlari ikki mintaqaga bo‘lingan holda o‘tkazilmoqda va mintaqalarda yuqori o‘rinlarni qo‘lga kiritgan jamoalar ikkinchi bosqichda sovrinli o‘rinlar uchun o‘zaro kurashadilar. Mintaqalarda pastki o‘rinlarni qo‘lga kiritgan jamoalar esa, quyi ligaga tushib ketmaslik uchun o‘zaro bahslarni davom ettirishadi.

Yuqori pog‘onalar uchun kurashayotgan 8ta jamoa “uy-mehmon” tizimida o‘zaro ikki davrada kurash olib borishsa, kuchli sakkizlikdan pastdagi jamoalar markazlashgan holda bir davrali bahslarda bahs olib borishadi.

2-bosqich. 1-davra, 1-tur.

5 avgust
“Bunyodkor” – “Metallurg”
“Lokomotiv” – “Paxtakor”

6 avgust
AGMK – “So‘g‘diyona”
“Qizilqum” – “Sevinch”

9-16-o‘rinlar uchun bahslarning 1-turiga 7-11 avgust kunlari Namangan shahri (“Navbahor” klubi) mezbonlik qiladi.

8 avgust
“Buxoro” – AGMK
“Navbahor” – Dinamo”
“Neftchi” – “Sho‘rtan”
“Andijanka” – “Surxon”

Mazkur guruhning 2-tur o‘yinlariga 21-24 sentyabr kunlari Termiz shahri (“Surxon” jamoasi) mezbonlik qilishi rejalashtirilgan.

O‘zbekiston kubogining chorak finalida kim kim bilan maydonga tushishi oldindan ma’lum edi. Qur’a faqat kimning mezbonlik qilishi masalasiga oydinlik kiritib berdi. Qur’aga ko‘ra bitta uchrashuvdan iborat chorak final o‘yinlari quyidagicha ko‘rinish oldi:

O‘zbekiston kubogi. ¼ final

4 oktyabr
“So‘g‘diyona” – “Sevinch”
“Sho‘rtan” – “Lokomotiv”
5 oktyabr
AGMK – “Metallurg”
“Paxtakor” – “Bunyodkor”

Yarim final o‘yinlari 19 oktyabrga, final esa 26 noyabrga belgilandi.