"Arsenal" hujumchisi kecha bo‘lib o‘tgan "Emirates" kubogi doirasida "Lion"ga qarshi o‘yinda (1: 2) to‘pig‘idan jarohat oldi.
"Lion" bilan o‘yin davomida hujumchi Aleksandr Lyakazett jarohati tufayli maydonni tark etdi, ammo dastlabki ma’lumotlarga ko‘ra, jarohat jiddiy bo‘lib chiqmadi, deb xabar beradi Onefootball.com.
Yaqin kunlarda futbolchi umumiy guruhda mashg‘ulotlarni davom ettirishi kutilmoqda.
Ma’lumot uchun, 28 yoshli Lyakazett 2017 yilning iyulida 53 million yevro evaziga "Lion"dan "Arsenal"ga ko‘chib o‘tgan edi.
Eslatib o‘tamiz, o‘tgan mavsumda fransiyalik futbolchi London klubi uchun barcha musobaqalarda 49 ta o‘yin o‘tkazib, 19 ta gol va 13 ta gollik uzatma amalga oshirgan.