"Арсенал" ҳужумчиси кеча бўлиб ўтган "Emirates" кубоги доирасида "Лион"га қарши ўйинда (1: 2) тўпиғидан жароҳат олди.

"Лион" билан ўйин давомида ҳужумчи Александр Ляказетт жароҳати туфайли майдонни тарк этди, аммо дастлабки маълумотларга кўра, жароҳат жиддий бўлиб чиқмади, деб хабар беради Onefootball.com.

Яқин кунларда футболчи умумий гуруҳда машғулотларни давом эттириши кутилмоқда.

Маълумот учун, 28 ёшли Ляказетт 2017 йилнинг июлида 53 миллион евро эвазига "Лион"дан "Арсенал"га кўчиб ўтган эди.

Эслатиб ўтамиз, ўтган мавсумда франциялик футболчи Лондон клуби учун барча мусобақаларда 49 та ўйин ўтказиб, 19 та гол ва 13 та голлик узатма амалга оширган.