“Roma” “Liverpul” himoyachisi Deyan Lovrenga qiziqib qoldi. Bu haqida jurnalist Nikolo Skira xabar tarqatdi.

Manbaning xabariga ko‘ra, futbolchining agenti “bo‘rilar” rahbariyati bilan uchrashgan. “Roma” futbolchini 16 million yevroga sotib olish sharti bilan 1 yilga ijaraga olmoqchi. “Liverpul” Lovrenni 20 million yevroga baholamoqda.

Eslatib o‘tamiz, 30 yoshli futbolchi “Liverpul” safida 2014 yildan buyon to‘p surib keladi. U “qizillar” safida 170ta o‘yinda maydonga tushib, 7ta gol urgan va 4ta golga assistentlik qilgan.