Matbuot anjumanining ikkinchi qismida "Metallurg" bosh murabbiyi Andrey Shipilov qatnashdi.

"Ikkinchi davraning dastlabki ikki turini omadli yakunlagandik. AGMK va "Nasaf" jamoalarini mag‘lub etgandik. "Nasaf" bilan o‘yin yakuniga yetganidan keyin yigitlarga xotirjamlikka berilmasdan, keyingi o‘yinga tiklanishimiz kerakligini aytgandim. 33-daqiqagacha yomon o‘ynamadik. Ajoyib imkoniyat bo‘lgandi, lekin undan foydalana olmadik. "Andijon" jamoasi va uning bosh murabbiyini yaxshi bilganim uchun yigitlardan ehtiyot bo‘lish kerakligini talab qilgandim. Bilmadim, shogirdlarimni xayolidan nimalar o‘tdi, keraksiz paytda gol o‘tkazib yubordik. Ularni hujum chizig‘i kuchli ekanligini, Ro‘zim Ahmedovdan hayiqqandik. U birinchi bo‘limda kurashgan vaziyatlarida barcha to‘plarni yutib oldi. Biz esa nima uchundir bir kishi kam bo‘lib qolganimizdan keyin yaxshi o‘ynadik. Bir qator vaziyatlarni sodir etdik. O‘yinning borishiga chetlatish jiddiy ta’sir ko‘rsatmadi. "Andijon" taktik jihatdan kuchli o‘yin namoyish etdi va haqli g‘alabaga erishdi. Ular Namanganda ham, Olmaliqda ham shunday o‘ynashgandi.  Mening shogirdlarim esa sust harakat qilishdi. Ularni ruhlantira olmaganligim uchun murabbiy sifatida aybdor ekanligimni sezib turibman", — dedi Andrey Sergeevich.