Матбуот анжуманининг иккинчи қисмида "Металлург" бош мураббийи Андрей Шипилов қатнашди.

"Иккинчи давранинг дастлабки икки турини омадли якунлагандик. АГМК ва "Насаф" жамоаларини мағлуб этгандик. "Насаф" билан ўйин якунига етганидан кейин йигитларга хотиржамликка берилмасдан, кейинги ўйинга тикланишимиз кераклигини айтгандим. 33-дақиқагача ёмон ўйнамадик. Ажойиб имконият бўлганди, лекин ундан фойдалана олмадик. "Андижон" жамоаси ва унинг бош мураббийини яхши билганим учун йигитлардан эҳтиёт бўлиш кераклигини талаб қилгандим. Билмадим, шогирдларимни хаёлидан нималар ўтди, кераксиз пайтда гол ўтказиб юбордик. Уларни ҳужум чизиғи кучли эканлигини, Рўзим Аҳмедовдан ҳайиққандик. У биринчи бўлимда курашган вазиятларида барча тўпларни ютиб олди. Биз эса нима учундир бир киши кам бўлиб қолганимиздан кейин яхши ўйнадик. Бир қатор вазиятларни содир этдик. Ўйиннинг боришига четлатиш жиддий таъсир кўрсатмади. "Андижон" тактик жиҳатдан кучли ўйин намойиш этди ва ҳақли ғалабага эришди. Улар Наманганда ҳам, Олмалиқда ҳам шундай ўйнашганди.  Менинг шогирдларим эса суст ҳаракат қилишди. Уларни руҳлантира олмаганлигим учун мураббий сифатида айбдор эканлигимни сезиб турибман", — деди Андрей Сергеевич.