"PSJ" klubi "Real" darvozaboni Keylor Navasning transferi borasida ish olib bormoqda. Bu haqda Mundo Deportivo xabar tarqatdi.
Manbaga ko‘ra, parijliklar kosta-rikalik darvozabon uchun 15 million yevro taklif qilishdi. Ammo "qirollik klubi" bu taklifga rad javobini berdi. Madridliklar Navas uchun 20 million yevro talab qilishmoqda.
"Real" Keylorning o‘rniga boshqa darvozabonlarning nomzodini ko‘rib chiqmoqda. Ma’lumotlarga qaraganda, "Everton" posboni Marten Stekelenburg Madridga ko‘chib o‘tib, Tibo Kurtuaga o‘rinbosar bo‘lishga rozilik bildirgan.