Transfermarkt portali Ispaniya chempionati 2018/2019 yilgi mavsumining eng yaxshi o‘yinchisi nomini e’lon qildi.

Unga ko‘ra, "Barselona" hujumchisi Lionel Messi o‘tgan mavsumda La liganing eng yaxshi futbolchisi sifatida tan olindi. Sayt ishtirokchilari o‘rtasidagi o‘tkazilgan so‘rovnomada argentinalik futbolchi birinchi o‘rinni egalladi.

2018/19 yilgi mavsumda 32 yoshli futbolchi 36ta gol bilan Primeraning eng yaxshi to‘purariga aylandi. Shuningdek, Messi 15ta golli uzatma bilan mavsumning eng yaxshi assistentiga aylandi.

Ma’lumot o‘rnida: Messi, shuningdek, Yevropa chempionlar ligasi o‘tgan mavsumining eng yaxshi to‘purari bo‘ldi. La ligadagi 36ta gol bilan esa oltinchi marotaba "Oltin butsa" sohibiga aylandi.