Transfermarkt портали Испания чемпионати 2018/2019 йилги мавсумининг энг яхши ўйинчиси номини эълон қилди.
Унга кўра, "Барселона" ҳужумчиси Лионель Месси ўтган мавсумда Ла лиганинг энг яхши футболчиси сифатида тан олинди. Сайт иштирокчилари ўртасидаги ўтказилган сўровномада аргентиналик футболчи биринчи ўринни эгаллади.
2018/19 йилги мавсумда 32 ёшли футболчи 36та гол билан Примеранинг энг яхши тўпурарига айланди. Шунингдек, Месси 15та голли узатма билан мавсумнинг энг яхши ассистентига айланди.
Маълумот ўрнида: Месси, шунингдек, Европа чемпионлар лигаси ўтган мавсумининг энг яхши тўпурари бўлди. Ла лигадаги 36та гол билан эса олтинчи маротаба "Олтин бутса" соҳибига айланди.
