Futbol bo‘yicha O‘zbekiston ayollar milliy terma jamoasi qo‘shni Qirg‘izistonning Qorako‘l shahrida o‘tkazilayotgan “Umid kubogi-2019” xalqaro musobaqasidagi ishtirokini muvaffaqiyatli tarzda davom ettirmoqda.
Bugun futbolchi qizlarimiz mezbon yurt terma jamoasiga qarshi bahs yuritishdi va raqib darvozasini javobsiz 9 marta ishg‘ol etishdi.
Qirg‘iziston – O‘zbekiston 0:9
Hakamlar: Veronika Bernaskaya, Eldiar Salibayev, Zamir Chinibekov, Nurgazi Cholponbayev.
Gollar: Diyoraxon Xabibullayeva (27, 30, 37), Nilufar Qudratova (34, 72), Sitora Taqaboyeva (52), Lianna Norbekova (59), Dildora Nozimova (63, 76).
O‘zbekiston: Maftuna Jonimqulova, Mohira Jo‘raboyeva, O‘g‘iloy Qo‘chqorova, Sitora Taqaboyeva, Nilufar Qudratova, Malika Burxonova, Laylo Shodiyeva, Maftuna Shoyimova, Lianna Norbekova, Dildora Nozimova, Diyoraxon Xabibullayeva.
Natijada hozirga qadar o‘z darvozasidan birorta ham gol o‘tkazib yubormagan terma jamoamiz musobaqaning finaliga yo‘l oldi. Final bahsi 12 sentyabr kuni o‘tkaziladi. Hal qiluvchi o‘yinda O‘zbekiston ayollar milliy terma jamoasiga Nepal raqiblik qiladi.
