Rossiyada davom etayotgan boks bo‘yicha jahon chempionatida bugun 2 vazn toifasida 1/16 final janglari bo‘lib o‘tsa, ikki vazn toifasida 1/8 final janglari boshlanadi.
69 kg. vaznda JCHga yo‘l olgan Bobousmon Baturov bugun turnirda ilk marta ringga ko‘tariladi. Hamyurtimiz argentinalik Agustin Arregui bilan jang qiladi.
75 kg. vaznli Fanat Qahramonov esa JCHda uchinchi jangini o‘tkazadi. Vatandoshimiz bugun braziliyalik Ebert Konsesaoni mag‘lub etsa, chorak final yo‘llanmasini qo‘lga kiritadi.
Jahon chempionatida hali biror marta jang o‘tkazmagan yangi bir bokschimiz bor. Eng og‘ir vaznli sportchimiz Bahodir Jalolov o‘z ishtirokini nimchorak finaldan boshlaydi. Hamyurtimiz Ukraina va Eron vakili o‘rtasidagi jang g‘olibiga qarshi ringga ko‘tariladi.
16 sentyabr kuni jang qiladigan o‘zbekistonlik bokschilar
-69 kg: Bobousmon Baturov - Agustin Arregui (Argentina) (B ring, 15:00 da boshlanadi)
-75 kg: Fanat Qahramonov - Ebert Konsesao (Braziliya) (A ring, taxminan 19:30 da boshlanadi)