“Paxtakor” futbolchisi Jaloliddin Masharipov Superliga-2019 chempioniga aylangach quyidagi fikrlarni bildirdi.
“Jamoadoshlarim va ishqibozlarimizni ushbu chempionlik bilan tabriklayman. Muxlislar bizni har o‘yinda juda faol qo‘llab turishdi. Chempionlikni bugun qo‘lga kiritishni istagandik. Hisob tenglashgach, yana tezlik bilan vaziyatni o‘zgartira oldik. Endi kelasi bahslarda shu ishtiyoqni saqlab qolishga intilamiz.”, -deydi futbolchi.
Eslatib o‘tamiz, “Paxtakor” Superliganing 20-turidan o‘rin olgan “Metallurg”ga qarshi bahsda g‘alaba qozonib, muddatdan oldin chempionga aylandi.
