“Пахтакор” футболчиси Жалолиддин Машарипов Суперлига-2019 чемпионига айлангач қуйидаги фикрларни билдирди.
“Жамоадошларим ва ишқибозларимизни ушбу чемпионлик билан табриклайман. Мухлислар бизни ҳар ўйинда жуда фаол қўллаб туришди. Чемпионликни бугун қўлга киритишни истагандик. Ҳисоб тенглашгач, яна тезлик билан вазиятни ўзгартира олдик. Энди келаси баҳсларда шу иштиёқни сақлаб қолишга интиламиз.”, -дейди футболчи.
Эслатиб ўтамиз, “Пахтакор” Суперлиганинг 20-туридан ўрин олган “Металлург”га қарши баҳсда ғалаба қозониб, муддатдан олдин чемпионга айланди.
