Bugun FIFA talqini bo‘yicha yilning eng kuchlilari aniqlanganidan xabaringiz bor. Yaqindagina yakuniga yetgan taqdirlash marosimidan so‘ng, g‘oliblar o‘z fikrlari bilan o‘rtoqlashishdi. Hozir e’tiboringizga yilning eng yilning eng yaxshi futbolchisi tomonidan berilgan intervyuni taqdim etamiz.
Lionel Messi
Men bu sovrinni yana bir bor qo‘lga kiritganimdan mamnunman. Ochig‘I bu men uchun o‘zgacha sovrin deya olmayman, sababi bundan avvalham bir necha bor yilning eng yaxshi futbolchisi deb e’tirof etilganman.
Birinchi navbatda, muxlislarga va jamoadoshlarimni ushbu sovrin bilan tabriklamoqchiman. Meni qiyin davrlarda ham qo‘llab turgan yaqinlarimga o‘z minaddorchiligimni bildirib o‘tsam, adolatdan bo‘ladi.
Umid qilamanki, men erishayotgan yutuqlar jamoadoshlarimga qo‘shimcha ruhiy dalda bo‘ladi. Axir bizni oldinda juda muhim uchrashuvlar kutib turibdi. Yangi mavsumda faqat yuqori o‘rinlar uchun kurash olib bormoqchimiz. Sovringa nafaqat men balki Virjil va Ronaldu ham birdek haqli deb hisoblayman. Shunday bo‘lsada, sovrin bir dona!
Krishtianu va Virjil ajoyib mavsumni o‘tkazishdi. Bu sovrinning navbatdagi egasi Ronaldu bo‘lsa sira ajablanmayman. Ha aytgancha, u keyingi yil 35 yoshni qarshilaganiga qaramay bu sovringa ega chiqishi mumkin (kuladi). Futbolning yozilmagan qonunlari bor va u barchaga barobardir. Men qolgan har bir lahzalardan yaqinlarim bilan birgalikda zavq olishni istayman.
