"Real" bosh murabbiyi Zinedin Zidan Ispaniya chempionatining 6-turi doirasida "Osasuna" qarshi o‘tkaziladigan uchrashuv oldidan iste’foga chiqishi mumkinligi xususidagi fikrlari bilan o‘rtoqlashdi.
"Agar "Real" mag‘lubiyatga uchrasa, meni iste’foga chiqarishadi. Agarda g‘alaba qozonsak, qolaman. Doim shunday bo‘lgan va shunday bo‘lib qoladi. "Osasuna"ga qarshi o‘yin ertaga bo‘lib o‘tadi. Biz ushbu uchrashuvga katta ishtiyoq va ko‘tarinki kayfiyat bilan tayyorlanishimiz lozim. Men shu haqda o‘ylayapman. G‘alabaga erishish uchun butun 90 daqiqa davomida yaxshi futbol namoyish etishimiz zarur. La Ligada har doim raqobat bo‘lgan, shuning uchun har bir uchrashuv yuksak saviyada o‘tgan. Shu bois har bir uchrashuvda bor kuch bilan harakat qilish kerak", - deya Zidanning so‘zlarini keltirib o‘tadi AS.
