«Liverpul» bosh murabbiyi Yurgen Klopp jamoa hujumchisi Muhammad Salah haqidagi fikrlari bilan o‘rtoqlashdi. 

"Men Salah "Liverpul"da muvaffaqiyat qozonadi deb o‘ylamagan edim. Ehtimol, Muhammad ham hozirgi holatini tasavvur qila olmagandir. Hammamizda orzular bor. Shu jumladan Salah ham yuksak muvaffaqiyatlarga erishishni istaydi va bu yaxshi. Unga o‘yin uslubimiz va klubda birinchi kunlardayoq ega bo‘lgan o‘ziga xos o‘rni yordam bermoqda.

Uning uchun oldingi yillardagiga qaraganda ko‘p narsa o‘zgardi. "Chelsi"dagi davri haqida gapirishning hojati yo‘q, u yerda Salahning butunlay boshqa maqomda edi. Hatto "Roma"da ham uning oldida Edin Jeko bor edi va unga to‘pni uzatishi kerak edi.

Bizda esa uning yonida Firmino va Mane kabi mehnatkash futbolchilar to‘p surishadi. Bu juda yaxshi hujum chizig‘i hisoblanadi.

U 44ta gol urishi mumkin, deb o‘ylamagandik. Men u uchun ham, o‘zimiz uchun ham xursand bo‘ldim. O‘yinchilar bilan shartnoma imzolaganingizda, biroz omad ham kerak bo‘ladi. Bu sodir bo‘ldi», – deb Kloppning so‘zlarini keltiradi Liverpool Echo.