«Ливерпуль» бош мураббийи Юрген Клопп жамоа ҳужумчиси Муҳаммад Салаҳ ҳақидаги фикрлари билан ўртоқлашди. 

"Мен Салаҳ "Ливерпуль"да муваффақият қозонади деб ўйламаган эдим. Эҳтимол, Муҳаммад ҳам ҳозирги ҳолатини тасаввур қила олмагандир. Ҳаммамизда орзулар бор. Шу жумладан Салаҳ ҳам юксак муваффақиятларга эришишни истайди ва бу яхши. Унга ўйин услубимиз ва клубда биринчи кунлардаёқ эга бўлган ўзига хос ўрни ёрдам бермоқда.

Унинг учун олдинги йиллардагига қараганда кўп нарса ўзгарди. "Челси"даги даври ҳақида гапиришнинг ҳожати йўқ, у ерда Салаҳнинг бутунлай бошқа мақомда эди. Ҳатто "Рома"да ҳам унинг олдида Эдин Жеко бор эди ва унга тўпни узатиши керак эди.

Бизда эса унинг ёнида Фирмино ва Мане каби меҳнаткаш футболчилар тўп суришади. Бу жуда яхши ҳужум чизиғи ҳисобланади.

У 44та гол уриши мумкин, деб ўйламагандик. Мен у учун ҳам, ўзимиз учун ҳам хурсанд бўлдим. Ўйинчилар билан шартнома имзолаганингизда, бироз омад ҳам керак бўлади. Бу содир бўлди», – деб Клоппнинг сўзларини келтиради Liverpool Echo.