Xabaringiz bor 23-24 sentyabr kunlari poytaxtimiz Paradzyudo bo‘yicha IBSA Gran-prisiga mezbonlik qildi.
Toshkentdagi musobaqaga yuqori martabali shaxslar ham tashrif buyurishdi. Kecha, 24 sentyabr kuni O‘zbekiston Paralimpiya assosiasiyasi raisi Muhtorxon Toshxo‘jayev Xalqaro ko‘zi ojislar sporti assosiasiyasi (IBSA) sport direktori Tardos Jeynos hamda Osiyo va Okeaniya sport komissari Jeyong Gisikni qabul qildi. Yuqori darajadagi uchrashuv davomida tomonlar o‘zaro fikr almashishdi va kelajak rejalarni birgalikda muhokama qilishdi. Shuni alohida ta’kidlash lozimki, martabali mehmonlar suhbat davomida Toshkent Gran-prisi borasida iliq taassurotda ekanliklarini bayon qilishdi. Tomonlar kelajakda O‘zbekistonda bu kabi musobaqalarni yanada ko‘proq o‘tkazish bo‘yicha kelishib olishdi.
Uchrashuv so‘nggida Muhtorxon Toshxo‘jayev O‘zbekiston Paralimpiya assosiasiyasi nomidan mehmonlarga esdalik sovg‘alarini topshirdi.