Moskvaning “Spartak” klubining yangi bosh murabbiyi bo‘lishi kutilayotgan Domeniko Tedeskodan rossiya futbol jamoatchiligi ko‘p narsa kutmayapti.

Ushbu germaniyalik mutaxassis xuddi Murat Yakin kabi "Spartak" jamoasiga hech narsa bera olmasligini RIA Novosti kanaliga aytib o‘tdi "qizil-oqlar"ning sobiq hujumchisi Sergey Yuran.

"Bizda yosh va iqtidorli deyilgan Yakin ham ishlab ketdi. Yakun qanday bo‘ldi? Tedesko bilan ham xuddi shunday bo‘ladi. Boshqa ortiqcha narsa kutmayapman.

Birinchidan, uning tajribasi yo‘q. U ajoyib inson, lekin uning yoshi bor-yo‘g‘i 34da.

Ikkinchidan, uning qo‘l ostida "Shalke" sal bo‘lmasa bundesligani tark etishi mumkin edi. Men germaniyada uch yil o‘ynadim, nemislar mayda-chuyda narsalarga katta e’tibor qaratishadi. Hatto ularning ikkinchi ligasidagi ham yosh murabbiyga talab katta emas. "Zorkiy" yoki "Krasnogorsk" emas, bu -"Spartak"!. Murabbiy tanlashda jiddiyroq e’tibor qaratish kerak edi. "Zenit" klubiga Luchano Spalletti vaRoberto Manchinilar kelishdi, ular qaysidir futbolchimizga nimadir berib ketishdi. Lekin, nima uchun biz tajribasiz murabbiyga tarixiy klubimizni ishonib topshiryapmiz?Bilaman, Leonid Fedun qarorni qabul qiladi, lekin Yakina tarixi takrorlanadi", - dedi Yuran.