Москванинг “Спартак” клубининг янги бош мураббийи бўлиши кутилаётган Доменико Тедескодан россия футбол жамоатчилиги кўп нарса кутмаяпти.
Ушбу германиялик мутахассис худди Мурат Якин каби "Спартак" жамоасига ҳеч нарса бера олмаслигини РИА Новости каналига айтиб ўтди "қизил-оқлар"нинг собиқ ҳужумчиси Сергей Юран.
"Бизда ёш ва иқтидорли дейилган Якин ҳам ишлаб кетди. Якун қандай бўлди? Тедеско билан ҳам худди шундай бўлади. Бошқа ортиқча нарса кутмаяпман.
Биринчидан, унинг тажрибаси йўқ. У ажойиб инсон, лекин унинг ёши бор-йўғи 34да.
Иккинчидан, унинг қўл остида "Шальке" сал бўлмаса бундеслигани тарк этиши мумкин эди. Мен германияда уч йил ўйнадим, немислар майда-чуйда нарсаларга катта эътибор қаратишади. Ҳатто уларнинг иккинчи лигасидаги ҳам ёш мураббийга талаб катта эмас. "Зоркий" ёки "Красногорск" эмас, бу -"Спартак"!. Мураббий танлашда жиддийроқ эътибор қаратиш керак эди. "Зенит" клубига Лучано Спаллетти ваРоберто Манчинилар келишди, улар қайсидир футболчимизга нимадир бериб кетишди. Лекин, нима учун биз тажрибасиз мураббийга тарихий клубимизни ишониб топширяпмиз?Биламан, Леонид Федун қарорни қабул қилади, лекин Якина тарихи такрорланади", - деди Юран.
