“Nasaf“-“Andijon“ jamoalari o‘rtasidagi uchrashuvdan so‘ng o‘tkazilgan matbuot anjumanining ikkinchi qismida jamoamiz bosh murabbiyi Ro‘ziqul Berdiyev ishtirok etib, bellashuv haqida o‘z fikrlarini bildirib o‘tdi.
- Bugungi o‘yinni “Andijon” jamoasidan kutgan edik. Ularning himoyada o‘ynab, qarshi hujumlardan foydalanishga harakat qilishlarini taxmin qilgandik. Bugun bunga amin bo‘ldik. Ular bugun besh nafar himoyachi bilan harakat qilishdi.
- Bellashuvdan oldin yigitlarga standart vaziyatlardan unumli foydalanishimiz kerakligini ta’kidlagan edim.Buni uddasidan chiqdik. Ikkita standartdan gol kiritganimizdan so‘ng ular himoyada to‘rt kishi bo‘lib harakatlana boshlashdi. Shundan so‘ng bizda ko‘proq imkoniyat bo‘ldi va biz qarshi hujumda bitda gol kiritdik. Standart vaziyatlardan kiritgan gollarimiz “Andijon” jamoasining rejalarini buzib yubordi.
