Nima sababdan "Rostov" bu qadar yirik mag‘lubiyat qabul qilib oldi?

Bugungi uchrashuvdagi mag‘lubiyatga ko‘plab sabablar bor. Avvalambor yigitlarning deyarli barchasi terma jamoasi safidan kelgani uchun o‘yinga to‘liq tayyor emas edi. Ular ruhan bu o‘yinga tayyor emasligi yaqqol ko‘zga tashlanib qoldi.

Bugungi mag‘lubiyatni «Rostov»dagi faoliyatingiz davomidagi eng achinarlisi deb hisoblaysizmi?

Bundan yomoni bo‘lmagan va bo‘lishi mumkin ham emas. Ayniqsa birinchi bo‘limdagi o‘yinimiz haqida alohida to‘xtalib o‘tmoqchi edim. 3 ta to‘p o‘tkazib yubormaganimizda, hisob 1 : 0 bo‘lganida ham bu so‘nggi 2 yildagi eng yomon o‘tkazgan birinchi bo‘limimiz bo‘ldi.

Sigurdson terma jamoada maydonga tushdi. Nega uni «Rostov»da ko‘rmayapmiz?

U terma jamoada og‘riq qoldiruvchi dorilar bilangina maydonga tushganidan xabaringiz bormi? «Rostov» unga hali yana imkon beradi. Oldinda o‘yinlar ko‘p. Birinchi navbatda futbolchi jismonan sog‘lom darajaga ko‘tarilishi hamma naradan muhim.

Kechagi uchrashuvda Baburin yaqin burchakni bir necha bor yopa olmad va juda ko‘p gol o‘tkazib yubordi. Bu uning asosiy tarkibdagi o‘rniga ta’sir o‘tkazadi?

Qaysi golda shunday bo‘ldi? To‘g‘risi, eslay olmayapman (kuladi) Bizga yaqin masofadan ham uzoq masofadan ham gol kiritishga muvaffaq bo‘lishdi. Bo‘lar ish bo‘ldi, Baburinni bu mag‘lubiyat bilan bog‘lamoqchi emasman.

Nima deb o‘ylaysiz, bu mag‘lubiyat jamoaga ruhiy ta’sir o‘tkazadimi?

Ochig‘i tanafusda yigitlarga bizga yana 3 ta gol kiritishsin deb aytdim. Bizni o‘z o‘rnimizga joylashtirib qo‘yishsin. Afsuski, aytganlarim amalga oshdi. Shunday bo‘lsada, harakat qilishda davom etamiz.
 
Bugungi hakamlikdan qoniqdingizmi?

Ha desam ham bo‘ladi. Bir ikki vaziyatda ular xató qilishdi, lekin bu o‘yining natijasiga ta’sir o‘tkazdi deb hisoblamayman.