Angliyaning «Liverpul» klubi bosh murabbiyi Yurgen Klopp «Genk» (4:1) klubiga qarshi YECHLda ko‘rsatgan o‘yin yoqmaganini aytib o‘tdi.

— O‘yinning yaxshi tomonlari bo‘ldi. O‘yinni yaxshi boshladik, biroq, keyin to‘pni ko‘p yo‘qota boshladik.Albatta, eng qiyin ish — himoyalanish. Birinchi golimiz juda chiroyli chiqdi.

Tan olib aytaman, o‘yindan rohat olmadik, natija esa qoniqarli bo‘ldi. Ortda qolgan ikkita safar uchrashuvi qiyin o‘tgandi. Bilmadim, biz hozir qayerdamiz. Shuni bilamanki, yakshanba kuni «Tottenxem» klubiga qarshi o‘ynashimiz kerak.

O‘tgan yili bunday uchrashuvlarda durang o‘ynashimiz ham mumkin edi, hatto yutqazishimiz ham. Yuqori tezlik bo‘ldi, bizdan muvozanatni saqlab qolish talab qilindi. Raqib bo‘ydor hujumchini maydonga tushirdi. Mezbonlar birinchi va ikkinchi golni o‘tkazib yuborganidan so‘ng, darvozamiz tomon xavfli zarbalar yo‘lladi.

Oksleyd-CHemberlen? O‘yinga mos o‘ynadi. U yaxshi, yanada yaxshi bo‘lishga qodir, bu haqda o‘zi yaxshi biladi. U o‘yin mobaynida deyarli o‘yinda bo‘lmadi, ayrimgi vaziyatlarda o‘yin ritmiga tushmay qoldi, biroq, uning gollari ko‘zni quvontirdi. Bu uning uchun oldinga tashlangan katta qadam, —Kloppning so‘zlaridan iqtibos keltirmoqda UEFA matbuot xizmati.