«Paxtakor» bilan o‘yindan so‘ng, futbolchilarga qisqa dam olish imkoniyati yaratilgan edi. 6-noyabrdan e’tiboran, jamoa navbatdagi uchrashuvga tayyogarlikni boshladi. Yig‘in Toshkent shahrida olib borilmoqda.
O‘zbekiston milliy terma jamoasidan chaqiruv olgan Abrorbek Ismoilov va O‘zbekiston olimpiya terma jamoasidan chaqiruv olgan Xusniddin G‘ofurovlar «Surxon»jamoasi mashg‘ulotlarida ishtirok etmayapti. Qolgan barcha futbolchilar mashg‘ulotlarda ishtirok etmoqda.
Eslatib o‘tamiz, «Surxon» O‘zbekiston Superligasi 24-tur uchrashuvini Termizda «So‘g‘diyona» jamoasiga qarshi o‘tkazadi.
«Surxon» PFK matbuot xizmati
